𑐮𑐎𑑂𑐲𑑂𑐩𑐷𑐡𑐵𑐳 𑐩𑐵𑐣𑐣𑑂𑐢𑐬 𑐄𑐟𑑂𑐎𑐺𑐲𑑂𑐚 𑐥𑑂𑐬𑐢𑐵𑐣𑐵𑐢𑑂𑐫𑐵𑐥𑐎 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑐟

𑐥𑑂𑐬𑐶𑐣𑑂𑐳𑐶𑐥𑐮 𑐊𑐳𑑀𑐳𑐶𑐊𑐳𑐣 𑐣𑐾𑐥𑐵𑐮𑐫𑐵 𑐥𑐵𑐣 𑐰𑐾𑐲𑑂𑐚 𑐊𑐖𑐸𑐎𑐾𑐱𑐣 𑐀𑐰𑐵𑐬𑑂𑐜𑑒𑑐𑑒𑑔 𑐳𑐶𑐬𑐥𑐵𑑅 𑐖𑑂𑐫𑐵𑐗𑑂𑐰𑑅 𑐖𑐹𑐐𑐸 𑐡𑐸 𑑋

𑐥𑑂𑐬𑐟𑐶𑐣𑐶𑐢𑐶𑐳𑐨𑐵𑐫𑐵 𑐄𑐥𑐳𑐨𑐵𑐩𑐸𑐏….𑐫𑐵 𑐩𑐹𑐥𑐵𑐴𑐵𑑃𑐳𑐸𑐂 𑐫𑐾𑑃𑐫𑑂 𑐱𑐣𑐶𑐰𑐵𑑅 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐮𑐎𑑂𑐲𑑂𑐩𑐷𑐡𑐵𑐳 𑐩𑐵𑐣𑐣𑑂𑐢𑐬 𑐄𑐟𑑂𑐎𑐺𑐲𑑂𑐚 𑐥𑑂𑐬𑐢𑐵𑐣𑐵𑐢𑑂𑐫𑐵𑐥𑐎 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋

𑐨𑐵𑐲𑐵𑐳𑐾𑐰𑐷 𑐢𑐬𑑂𑐩𑐳𑐾𑐰𑐷 𑐮𑐶𑐳𑐾𑑄 𑐱𑐶𑐎𑑂𑐲𑐵𑐳𑐾𑐰𑐷 𑐮𑐎𑑂𑐲𑑂𑐩𑐷𑐡𑐵𑐳 𑐩𑐵𑐣𑐣𑑂𑐢𑐬𑑄 𑐖𑐐𑐟𑐳𑐸𑐣𑑂𑐡𑐬 𑐧𑑂𑐰𑐣𑐾𑐎𑐸𑐠𑐶, 𑐱𑐵𑐣𑑂𑐟𑐶 𑐱𑐶𑐎𑑂𑐲𑐵 𑐩𑐣𑑂𑐡𑐶𑐬, 𑐥𑐶𑐥𑐸𑐮𑑂𑐳 𑐎𑑂𑐫𑐵𑐩𑑂𑐥𑐳𑐮𑐶𑐳𑐾𑑄 𑐳𑐩𑐵𑐖𑐫𑑂 𑐁𑐥𑐵𑐮𑑄 𑐫𑑀𑐐𑐡𑐵𑐣 𑐫𑐵𑐣𑐵𑐡𑐷𑐐𑐸 𑐮𑐸𑐩𑐣𑑂𑐟𑐶𑐂 𑐠𑐠𑐾 𑐄𑐟𑑂𑐎𑐺𑐲𑑂𑐚 𑐥𑑂𑐬𑐢𑐵𑐣𑐵𑐢𑑂𑐫𑐵𑐥𑐎 𑐳𑐶𑐬𑐥𑐵𑑅 𑐡𑐾𑐕𑐵𑐫𑐾𑐐𑐸 𑐰𑑂𑐫𑐰𑐳𑑂𑐠𑐵𑐥𑐣 𑐫𑐵𑐣𑐵𑐐𑐸 𑐰𑐫𑑂𑐎𑑅𑐫𑐵 𑐎𑐵𑐫𑑂𑐨𑐵𑐖𑐸 𑐣𑐵𑐬𑐵𑐫𑐞𑐡𑐵𑐳 𑐩𑐵𑐣𑐣𑑂𑐢𑐬𑑄 𑐎𑐣𑐵𑐡𑐷𑐐𑐸 𑐡𑐸 𑑋

𑐣𑑂𑐴𑐫𑐐𑐹 𑐥𑑂𑐬𑐡𑐾𑐱𑐫𑐵 𑐣𑑂𑐴𑐫𑐩𑑂𑐴 𑐧𑐾𑐲𑑂𑐚 𑐊𑐖𑐸𑐎𑐾𑐱𑐣 𑐀𑐰𑐵𑐬𑑂𑐜 𑐎𑐵𑐫𑐾𑐟 𑐟𑐵𑑅𑐮𑐵𑑅𑐥𑐶𑐣𑑂𑐟 𑐠𑐠𑐾 𑐮𑐎𑑂𑐲𑑂𑐩𑐷𑐡𑐵𑐳 𑐩𑐵𑐣𑐣𑑂𑐢𑐬 𑐄𑐟𑑂𑐎𑐺𑐲𑑂𑐚 𑐥𑑂𑐬𑐢𑐵𑐣𑐵𑐢𑑂𑐫𑐵𑐥𑐎 𑐳𑐶𑐬𑐥𑐵𑑅 𑐎𑐠𑑄 𑐴𑐣𑐵𑐥𑑁 𑐰 𑐩𑑂𑐴𑐟𑐶𑑄 𑐗𑐶𑐡𑑂𑐰𑑅 𑐗𑐶𑐡𑑂𑐰𑑅 𑐟𑐎𑐵 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐥𑐸𑐮𑐵𑑄𑐩𑑂𑐴 𑐱𑐶𑐎𑑂𑐲𑐵𑐩𑐣𑑂𑐟𑑂𑐬𑐷 𑐡𑐾𑐰𑐾𑐣𑑂𑐡𑑂𑐬 𑐥𑑁𑐜𑐾𑐮, 𑐡𑐾𑐫𑑂 𑐣𑑂𑐫𑑄𑐎𑑄𑐫𑐵 𑐥𑑂𑐬𑐵𑐢𑑂𑐫𑐵𑐥𑐎𑐥𑐶𑑄, 𑐱𑐶𑐎𑑂𑐲𑐎𑐥𑐶𑑄 𑐄𑐥𑐳𑑂𑐠𑐶𑐟 𑐖𑐹𑐐𑐸 𑐏𑑅𑐳𑐵 𑐀𑐠𑐾𑐴𑐾, 𑐱𑐶𑐎𑑂𑐲𑐵𑐰𑐶𑐡𑑂𑐥𑐶𑑄 𑐄𑐥𑐳𑑂𑐠𑐶𑐟 𑐖𑐹𑐐𑐸 𑐏𑑅 𑑋

https://www.hamroschool.com/category/nepalbhasa/