𑐰𑐵𑐩𑐵𑐫 𑐎𑐶𑐔𑐮𑐫𑑂

𑐰𑐵𑐩𑐵𑐫 𑐎𑐶𑐔𑐮𑐫𑑂

– 𑐥𑑂𑐬𑐟𑐶𑐳𑐬𑐵 𑐳𑐵𑐫𑑂𑐩𑐶

𑐩𑑂𑐴𑐶𑐐𑑅 𑐖𑐶 𑐰𑐣𑐵𑐐𑐸 𑐮𑑃 𑐳𑐶𑐠𑐫𑑂
𑐔𑐘𑑂𑐔𑐮 𑐠𑑂𑐰 𑐐𑐸𑐮𑐶 𑐰𑐵𑐄𑑄𑐐𑐸 𑐰𑐵𑐩𑐵𑐟
𑐦𑐫𑑂𑐖𑐎 𑐳𑐣𑐾𑐰𑑄 𑐀𑐠𑐾𑑄 𑐀𑐠𑐾𑑄 𑐴𑐾
𑐏𑐶𑐬𑐏𑐶𑐬 𑐣𑑂𑐴𑐶𑐮𑐵𑑅,
𑐢𑐶𑐟𑑂𑐟𑐸 𑐢𑐶𑐣𑐵: 𑐳𑐣𑐵𑐔𑑂𑐰𑑄𑐥𑐶𑑄
𑐖𑑁𑐨𑐣 𑐖𑐵:𑐥𑐶𑑄
𑐣𑐎𑐟𑐶𑐣𑐶𑐫𑐵 𑐮𑑂𑐫𑐵𑐳𑐾𑐔𑐵𑐟
𑐥𑑂𑐫𑐣𑑂𑐴𑐸 𑐔𑑂𑐫𑐵𑐣𑑂𑐴𑐸 𑐴𑐾 𑐕𑐸 𑐮𑐶𑐥𑐵 𑐖𑐸𑐂,
𑐰 𑐴𑐾 𑐰𑐵𑐩𑐵𑐟 𑐮𑐖𑑂𑐖𑐵𑑄 𑐎𑑂𑐰𑐎𑑂𑐰 𑐕𑐹
𑐮𑐸𑑃 𑐳𑑂𑐰𑐵𑑄 𑐕𑐸𑐣𑐵: 𑐳𑐸𑐫𑐵𑑄 𑐮𑐸𑐏𑐵𑐏𑐬𑐸𑐂
𑐮𑐳𑐎𑐸𑐳𑐫𑑂 𑐡𑐣𑐵𑐔𑑂𑐰𑑄𑐩𑑂𑐴 𑐣𑑅𑐮𑐶 𑐨𑑁𑐩𑐔𑐵 𑐠𑐾𑑄𑑋
𑐕𑐸𑑄 𑐃 𑐮𑐶𑐥𑐵 –
𑐰 𑐰𑐵𑐩𑐵𑐟 𑐗𑐣𑑂 𑐐𑐸𑐮𑐶 𑐎𑑂𑐰𑐕𑐸𑐣𑐵𑐔𑑂𑐰𑑄𑐐𑐸
𑐳𑐶𑐳𑐵𑐧𑐸𑐳𑐵𑑄 𑐖𑐵𑑅𑐐𑐸 𑐳𑐶𑐩𑐵𑐟 𑐠𑐾𑑄
𑐩𑑂𑐴 𑐗𑑂𑐫𑐵𑐟𑐸𑐩𑑂𑐴 𑐨𑑁𑐩𑐔𑐵 𑐠𑐾𑑄
𑐠𑑁𑑄 𑐏𑐣𑐵 𑐖𑐶𑑄 𑐰 𑐴𑐾 𑐰𑐵𑐩𑐵
𑐐𑐣𑐵𑐰𑑄𑐐𑐸 𑐳𑐸 𑐖𑐎 𑐖𑐸𑐫𑐵𑑅
𑐧𑐸𑑃𑐂 𑐔𑐟𑐰𑐵𑐣𑐵𑐔𑑂𑐰𑑄𑐐𑐸
𑐕𑐸𑑄 𑐃 𑐴𑐾 𑐖𑐎 𑐣𑑂𑐴𑑂𑐫𑑅 𑐩𑐔𑐵𑐧𑐹 𑐰𑑂𑐫𑐠𑐵𑑄 𑐧𑑂𑐫𑑄𑐩𑑂𑐴 𑐩𑐶𑐳𑐵 𑐠𑐾𑑄 𑑋
𑐴𑐶 𑐩𑐡𑐸𑐐𑐸 𑐏𑑂𑐰𑐵𑐮𑐫𑑂
𑐩𑑂𑐴𑐵𑐳𑐸𑐮𑑂𑐰𑐔𑑄 𑐎𑑅𑐩𑑂𑐴 𑐮𑑂𑐰𑐐𑐶 𑐠𑐾𑑄 𑑋