𑐰𑐶𑐰𑐶𑐢𑐨𑐵𑐲𑐵 𑐟𑐵𑐴𑐵 𑐣𑐣𑐶𑐂

𑐰𑐶𑐰𑐶𑐢 𑐨𑐵𑐲𑐵 𑐳𑐵𑐴𑐶𑐟𑑂𑐫 𑐳𑐩𑐵𑐖𑐫𑐵 𑐐𑑂𑐰𑐳𑐵𑐮𑐫𑑂 𑐠𑐸𑐐𑐸𑐳𑐷 𑐣𑐷𑐥𑑂𑐫𑐎𑑂𑐰𑑅𑐐𑐸 𑐰𑐶𑐰𑐶𑐢 𑐨𑐵𑐲𑐵 𑐳𑐵𑐴𑐶𑐟𑑂𑐫 𑐳𑐩𑑂𑐩𑐾𑐮𑐣 𑐠𑐣𑐫𑐵 𑐟𑐵𑐴𑐵𑐣𑐣𑐶𑐂 𑐖𑐸𑐂𑐐𑐸 𑐖𑐹𑐐𑐸 𑐡𑐸 𑑋 𑐠𑐸𑐐𑐸𑐳𑐷 𑐏𑑂𑐰𑐥 𑐮𑐵𑐐𑐵𑐫𑑂 𑐎𑐵𑐟𑑂𑐟𑐶𑐎 𑑘 𑐐𑐟𑐾 𑐩𑑂𑐴𑐥𑐸𑐖𑐵 𑐴𑐣𑐷𑐐𑐸 𑐰 𑐰𑐴𑐾 𑐡𑐶𑑄𑐎𑐸𑐣𑑂𑐴𑐸 𑐣𑑂𑐴𑐶𑐣𑐳𑐶𑐫𑐵 𑑑𑑒 𑐟𑐵𑑅 𑐂𑐮𑐫𑑂 𑐄𑐐𑐸 𑐖𑑂𑐫𑐵𑐗𑑂𑐰𑑅 𑐖𑐸𑐂 𑑋

𑐰𑑄𑐐𑐸 𑐕𑐸𑑄 𑐡𑐶𑑄 𑐣𑑂𑐴𑑂𑐫𑑅 𑐖𑐎 𑐏𑑂𑐰𑐥𑐫𑐵 𑐟𑐮𑐾𑐖𑐸𑐫𑐵 𑐥𑐸𑐖𑐵𑐬𑐷, 𑐐𑐣𑑂𑐫𑐩𑐵𑐣𑑂𑐫 𑐰𑑂𑐫𑐎𑑂𑐟𑐶 𑐡𑐠𑐸𑐂 𑐖𑐹𑐐𑐸 𑐳𑐴𑐮𑐴𑐎𑐠𑑄 𑐎𑐵𑐟𑑂𑐟𑐶𑐎 𑑗, 𑑘 𑐰 𑑙 𑐐𑐟𑐾 𑐳𑑂𑐰𑐣𑑂𑐴𑐸𑐫𑑄𑐎𑑄 𑐗𑑂𑐰𑑅𑐮𑐶𑐎 𑐳𑑂𑐰𑐣𑑂𑐟𑐶 𑐣𑐏𑑅 𑐴𑐣𑐾𑐐𑐸 𑐎𑑂𑐰𑑅𑐖𑐶𑐄𑐎𑐠𑑄 𑐎𑐵𑐟𑑂𑐟𑐶𑐎 𑑘 𑐐𑐟𑐾 𑐰𑐶𑐰𑐶𑐢 𑐨𑐵𑐲𑐵 𑐳𑐵𑐴𑐶𑐟𑑂𑐫 𑐳𑐩𑑂𑐩𑐾𑐮𑐣 𑐰 𑐳𑐵𑑄𑐳𑑂𑐎𑐺𑐟𑐶𑐎 𑐧𑑂𑐰𑐖𑑂𑐫𑐵 𑐖𑐸𑐂 𑑋

𑐣𑐾𑐩𑐎𑐶𑐥𑐵𑐫𑐵 𑐀𑐢𑑂𑐫𑐎𑑂𑐲 𑐣𑐵𑐬𑐵𑐫𑐞𑐩𑐵𑐣 𑐧𑐶𑐖𑐸𑐎𑑂𑐕𑐾𑑃 𑐬𑑀𑐴𑐶𑐟𑐫𑐵 𑐥𑑂𑐬𑐩𑐸𑐏 𑐁𑐟𑐶𑐠𑑂𑐫𑐟𑐵𑐫𑑂 𑐳𑐵𑐴𑐶𑐟𑑂𑐫 𑐳𑐩𑑂𑐩𑐾𑐮𑐣 𑐖𑐸𑐂𑐐𑐸 𑐰 𑐰 𑐳𑑂𑐰𑐫𑐵𑑄 𑐣𑑂𑐴𑑂𑐫𑑅 𑐳𑐸𑐠𑐫𑑂 𑐕𑐐𑐹 𑐳𑐵𑑄𑐳𑑂𑐎𑐺𑐟𑐶𑐎 ¥𑐫𑐵𑐮𑐷𑑄 𑐣𑐐𑐬 𑐥𑐬𑐶𑐎𑑂𑐬𑐩𑐵 𑐫𑐵𑐂𑐐𑐸 𑐣𑑄 𑐳𑐩𑐵𑐖𑑄 𑐖𑐵𑐣𑐎𑐵𑐬𑐷 𑐧𑐶𑐄𑐐𑐸 𑐡𑐸 𑑋

𑐰𑐶𑐰𑐶𑐢 𑐨𑐵𑐲𑐵 𑐳𑐵𑐴𑐶𑐟𑑂𑐫 𑐳𑐩𑑂𑐩𑐾𑐮𑐣𑐫𑑂 𑐣𑐾𑐥𑐵𑐮𑐨𑐵𑐲𑐵𑐮𑐶𑐳𑐾𑑄 𑐟𑐵𑐩𑐵𑐒, 𑐩𑐿𑐠𑐶𑐮𑐷 𑐮𑐐𑐵𑐫𑐟 𑐰𑐶𑐰𑐶𑐢 𑐨𑐵𑐲𑐵𑐫𑐵 𑐳𑐵𑐴𑐶𑐟𑑂𑐫𑐶𑐎 𑐬𑐔𑐣𑐵𑐟 𑐥𑐵𑐛 𑐫𑐵𑐂𑐐𑐸 𑐏𑑃 𑐳𑐩𑐵𑐖𑑄 𑐢𑐵𑑅𑐐𑐸 𑐡𑐸 𑑋