‘𑐱𑑄𑐏𑐢𑐬’ 𑐖𑑂𑐰𑑅 𑐩𑐡𑐸𑐐𑐸 𑐄𑐥𑐣𑑂𑐫𑐵𑐳

𑐫𑐾𑑃 – 𑐣𑐾𑐰𑐵𑑅 𑐤𑑂𑐫𑐮𑐸𑐰𑐵 𑐮𑐶𑐳𑐾𑑄 𑐄𑐥𑐣𑑂𑐫𑐵𑐳𑐎𑐵𑐬 𑐩𑐮𑑂𑐮 𑐎𑐾. 𑐳𑐸𑐣𑑂𑐡𑐬𑑄 𑐔𑑂𑐰𑐫𑐵𑐡𑐷𑐐𑐸 𑐋𑐟𑐶𑐴𑐵𑐳𑐶𑐎 𑐄𑐥𑐣𑑂𑐫𑐵𑐳 ‘𑐱𑑄𑐏𑐢𑐬’ 𑐫𑐵 𑐏𑐳 𑐣𑐾𑐥𑐵𑐮𑐷 𑐨𑐵𑐳𑑄 𑐖𑐸𑐫𑐵𑐔𑑂𑐰𑑄𑐐𑐸 𑐀𑐣𑐸𑐰𑐵𑐡 𑐳𑐦𑐹 𑐱𑐸𑐎𑑂𑐬𑐰𑐵𑑅 𑐰𑐶𑐩𑑀𑐔𑐣 𑐖𑐸𑐮 𑑋𑐬𑐵𑐲𑑂𑐚𑑂𑐬𑐶𑐫 𑐰𑐶𑐨𑐹𑐟𑐶 𑐱𑑄𑐏𑐢𑐬 𑐳𑐵𑐏𑑂𑐰𑐵𑑅 𑐥𑑂𑐬𑐟𑐶𑐲𑑂𑐛𑐵𑐣𑐫𑐵 𑐐𑑂𑐰𑐳𑐵𑐮𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐰𑐵𑐒𑑂𑐩𑐫 𑐱𑐟𑐵𑐧𑑂𑐡𑐷 𑐥𑐸𑐬𑐸𑐲 𑐳𑐟𑑂𑐫𑐩𑑀𑐴𑐣 𑐖𑑀𑐱𑐷𑑄 𑐄𑐐𑐸 𑐳𑐦𑐹 𑐰𑐶𑐩𑑀𑐔𑐣 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐄𑐥𑐣𑑂𑐫𑐵𑐳𑐫𑐵 𑐳𑐩𑐷𑐎𑑂𑐲𑐵 𑐫𑐵𑐣𑐵𑐡𑐶𑐳𑐾𑑄 𑐳𑐩𑐵𑐮𑑀𑐔𑐎 𑐜𑐵. 𑐀𑐨𑐶 𑐳𑐸𑐰𑐾𑐡𑐷𑑄 𑐂𑐟𑐶𑐴𑐵𑐳𑐫𑐵 𑐕𑐸𑑄 𑐰𑐶𑐲𑐫𑐫𑐵𑐟 𑐎𑐫𑐵𑑅 𑐠𑐸𑐮𑐶 𑐡𑐸𑐐𑑂𑐫𑑄𑐎 𑐔𑑂𑐰𑐫𑐵𑐟𑑅𑐐𑐸 𑐄𑐥𑐣𑑂𑐫𑐵𑐳 𑐣𑐾𑐥𑐵𑐮𑐷 𑐨𑐵𑐲𑐵𑐫𑑂 𑐥𑐶𑐴𑐵𑑄 𑐰𑑅𑐐𑐸 𑐩𑐡𑐸𑐣𑐶 𑐢𑐵𑐳𑐾𑑄 𑐁𑑅 𑐔𑑂𑐰𑐩𑐶 𑐩𑐮𑑂𑐮𑐫𑐵 𑐩𑐾𑐩𑐾𑐐𑐸 𑐄𑐥𑐣𑑂𑐫𑐵𑐳 𑐣𑑄 𑐣𑐾𑐥𑐵𑐮𑐷 𑐨𑐵𑐳𑑄 𑐥𑐶𑐴𑐵𑑄 𑐰𑐫𑐾 𑐩𑐵𑐮 𑐢𑐫𑐵𑐡𑐶𑐮 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐣𑐾𑐥𑐵𑐮 𑐥𑑂𑐬𑐖𑑂𑐘𑐵 𑐥𑑂𑐬𑐟𑐶𑐲𑑂𑐛𑐵𑐣𑐫𑐵 𑐎𑐸𑐮𑐥𑐟𑐶 𑐐𑑄𑐐𑐵𑐥𑑂𑐬𑐳𑐵𑐡 𑐄𑐥𑑂𑐬𑐾𑐟𑐶, 𑐣𑐾𑐥𑐵𑐮𑐨𑐵𑐲𑐵 𑐊𑐎𑐾𑐡𑐩𑐶𑐫𑐵 𑐔𑐵𑐣𑑂𑐳𑐮𑐬 𑐔𑐶𑐟𑑂𑐟𑐬𑑄𑐖𑐣 𑐣𑐾𑐥𑐵𑐮𑐷, 𑐖𑐣𑐎𑐰𑐶 𑐡𑐸𑐬𑑂‍𑐐𑐵𑐮𑐵𑐮 𑐱𑑂𑐬𑐾𑐲𑑂𑐛𑐥𑐶𑑄𑐳𑑄 𑐣𑑄 𑐳𑐦𑐹𑐫𑐵 𑐧𑐵𑐬𑐾 𑐣𑐸𑐐𑑅𑐏𑑃 𑐟𑐫𑐵𑐡𑐷𑐐𑐸 𑐏𑑅 𑑋 𑐀𑐠𑐾 𑐴𑐾 𑐖𑑂𑐫𑐵𑐗𑑂𑐰𑐮𑐫𑑂 𑐩𑐢𑑂𑐫𑐥𑐸𑐬 𑐠𑐶𑐩𑐶 𑐣𑐐𑐬𑐥𑐵𑐮𑐶𑐎𑐵𑐫𑐵 𑐩𑐾𑐫𑐬 𑐩𑐡𑐣𑐳𑐸𑐣𑑂𑐡𑐬 𑐱𑑂𑐬𑐾𑐲𑑂𑐛 𑐱𑑄𑐏𑐢𑐬 𑐥𑑂𑐬𑐟𑐶𑐲𑑂𑐛𑐵𑐣𑐫𑐵 𑐱𑑂𑐫𑐵𑐩𑐎𑐺𑐲𑑂𑐞 𑐩𑐵𑐣𑐣𑑂𑐢𑐬𑐫𑐵 𑐔𑐣𑑂𑐡𑐣𑐎𑐺𑐲𑑂𑐞 𑐱𑑂𑐬𑐾𑐲𑑂𑐛𑐥𑐶𑑄𑐳𑑄 𑐣𑑄 𑐣𑑂𑐰𑐰𑐵𑐣𑐵𑐡𑐷𑐐𑐸 𑐏𑑅 𑑋

𑐔𑑂𑐰𑐩𑐶 𑐩𑐮𑑂𑐮𑐫𑐵 𑐄𑐐𑐸 𑐳𑐦𑐹 𑐩𑐾𑐪 𑐔𑑂𑐰𑐩𑐶 𑐀𑐐𑐶𑐰 𑐧𑐣𑐾𑐥𑐵𑐮𑐷𑑄 𑐏𑐳 𑐣𑐾𑐥𑐵𑐮𑐷 𑐨𑐵𑐳𑑄 𑐨𑐵𑐫𑑂𑐴𑐶𑐮𑐵𑐡𑐷𑐐𑐸 𑐏𑑅 𑑋