𑐳𑐵𑐴𑐶𑐟𑑂𑐫𑐎𑐵𑐬 𑐱𑐵𑐎𑑂𑐫𑐫𑐵 ‘𑐮𑑄𑐐𑐸𑐬 𑐧𑐸𑐬𑑂𑐖𑐵’ 𑐧𑐵𑐏𑑄 𑐩𑐸𑐣𑐵 𑐳𑐦𑐹 𑐥𑐶𑐟𑐧𑑂𑐰𑐖𑑂𑐫𑐵

𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 – 𑐣𑐶𑐱𑑂𑐔𑐮 | 𑑒𑑐𑑗𑑖 𑐱𑑂𑐬𑐵𑐰𑐞 𑑓𑑒, 𑐱𑐣𑐶𑐧𑐵𑐬 𑑒𑑑:𑑒𑑖:𑑓𑑘

𑐳𑐵𑐴𑐶𑐟𑑂𑐫𑐎𑐵𑐬 𑐱𑐵𑐎𑑂𑐫𑐫𑐵 ‘𑐮𑑄𑐐𑐸𑐬 𑐧𑐸𑐬𑑂𑐖𑐵’ 𑐧𑐵𑐏𑑄 𑐩𑐸𑐣𑐵 𑐳𑐦𑐹 𑐥𑐶𑐟𑐧𑑂𑐰𑐖𑑂𑐫𑐵
𑐀𑐟𑐶𑐎𑑄 𑐮𑑀𑐎𑑄𑐴𑑂𑐰𑐵𑐩𑑂𑐴 𑐰𑐬𑐶𑐲𑑂𑐛 𑐧𑐵𑐏𑑄𑐔𑑂𑐰𑐩𑐶 𑐬𑐵𑐖𑐵 𑐱𑐵𑐎𑑂𑐫𑐫𑐵 ‘𑐮𑑄𑐐𑐸𑐬 𑐧𑐸𑐬𑑂𑐖𑐵’ 𑐧𑐵𑐏𑑄 𑐩𑐸𑐣𑐵 𑐳𑐦𑐹 𑐏𑐸𑐳𑐶𑐧𑐸𑑃, 𑐫𑐾𑑃 𑐥𑐶𑐟𑐧𑑂𑐰𑐖𑑂𑐫𑐵 𑐖𑐹𑐐𑐸 𑐡𑐸 𑑋
𑐔𑑂𑐰𑐩𑐶 𑐱𑐵𑐎𑑂𑐫𑐫𑐵 𑐕𑑂𑐫𑐥𑐶𑑄 𑐜𑐵. 𑐖𑐮𑐵𑐱𑑂𑐬𑐷 𑐧𑐵𑐖𑑂𑐬𑐵𑐔𑐵𑐬𑑂𑐫, 𑐂. 𑐱𑐶𑐬𑐶𑐲 𑐬𑐟𑑂𑐣 𑐧𑐖𑑂𑐬𑐵𑐔𑐵𑐬𑑂𑐫, 𑐮𑐹𑐖𑑅 𑐱𑐵𑐎𑑂𑐫𑐥𑐶𑐳𑑄 𑐩𑑄𑐎𑐵𑑅 𑐎𑐠𑑄 𑐳𑐦𑐹 𑐔𑐶𑐏𑐶𑐦𑑂𑐫𑐣𑐵𑐡𑐷𑐐𑐸 𑐏𑑅 𑑋
𑐳𑐩𑐵𑐮𑑀𑐔𑐎 𑐥𑐹𑐬𑑂𑐞𑐎𑐵𑐖𑐷 𑐟𑐵𑐩𑑂𑐬𑐵𑐎𑐵𑐬𑑄 𑐳𑐦𑐹𑐫𑐵 𑐧𑐵𑐬𑐾 𑐧𑑅𑐔𑐵𑐴𑐵𑐎𑐫𑑂𑐎 𑐎𑐸𑐮𑐾𑐐𑐸 𑐗𑑂𑐰𑐮𑐫𑑂 𑐠𑐸𑐐𑐸 𑐳𑐦𑐸𑐟𑐶𑐂 𑐔𑑂𑐰𑐩𑐶𑑄 𑐄𑐥𑐩𑐵 𑐎𑑂𑐰𑐵𑐟𑐸𑐎𑑂𑐎 𑐕𑑂𑐫𑐮𑐵𑐟𑑅𑐐𑐸𑐮𑐶𑑄 𑐧𑐵𑐏𑑄𑐨𑐵𑐲𑐵𑐣𑑄 𑐎𑐵𑐰𑑂𑐫𑐩𑐫 𑐖𑐸𑐫𑐵𑐔𑑂𑐰𑑄𑐐𑐸 𑐏𑑃 𑐎𑐣𑐵𑐡𑐶𑐮 𑑋 𑐔𑑂𑐰𑐩𑐶 𑐱𑐵𑐎𑑂𑐫 𑐩𑐾𑐥𑐶𑑄 𑐧𑐵𑐏𑑄𑐔𑑂𑐰𑐩𑐶𑐥𑐶𑑄 𑐳𑑂𑐰𑐫𑐵𑑅 𑐧𑐶𑐳𑑂𑐎𑑄 𑐏𑐣𑐾𑐡𑐸𑐐𑐸𑐮𑐶𑑄 𑐰𑐫𑑂𑐎𑑅𑐫𑐵 𑐧𑐵𑐏𑑄𑐣𑑄 𑐩𑐾𑐩𑐾𑐥𑐶𑐣𑐶𑐐𑐸 𑐧𑐵𑐏𑑄 𑐳𑑂𑐰𑐫𑐵𑑅 𑐧𑐶𑐳𑑂𑐎𑑄𑐴𑐾 𑐏𑐣𑐾𑐡𑐸𑐐𑐸 𑐣𑑄 𑐎𑐣𑐵𑐡𑐶𑐮 𑑋 𑐎𑐰𑐫𑐟𑑂𑐬𑐶 𑐬𑐖𑐣𑐷𑐩𑐶𑐮𑐵𑑄 𑐣𑑄 𑐄𑐐𑐸 𑐳𑐦𑐹𑐫𑐵 𑐎𑐫𑐵𑑅 𑐣𑐸𑐐𑑅 𑐏𑑃 𑐟𑐫𑐾𑐐𑐸 𑐗𑑂𑐰𑐮𑐫𑑂 𑐠𑑅𑐥𑐶𑐣𑑂𑐳𑑄 𑐳𑐡𑐵 𑐳𑐩𑑂𑐩𑐵𑐣 𑐫𑐵𑐣𑐵 𑐰𑐫𑐵 𑐔𑑂𑐰𑐣𑐵𑐩𑑂𑐴 𑐣𑐵𑑄𑐖𑐵𑐩𑑂𑐴 𑐧𑐵𑐏𑑄 𑐔𑑂𑐰𑐩𑐶 𑐬𑐵𑐖𑐵 𑐱𑐵𑐎𑑂𑐫𑐫𑐵 𑐧𑐵𑐏𑑄𑐫𑐵𑐟 𑐎𑐫𑐵𑑅 𑐣𑑂𑐰𑐰𑐵𑐫𑑂 𑐏𑐣𑐵 𑐠𑑅𑐫𑐵𑐟 𑐐𑐬𑑂𑐰 𑐖𑐸𑐐𑐸 𑐧𑐶𑐔𑐵𑑅 𑐥𑑂𑐰𑑄𑐎𑐵𑐡𑐶𑐐𑐸 𑐏𑑅 𑑋
𑐖𑑂𑐫𑐵𑐗𑑂𑐰𑐮𑐫𑑂 𑐴𑐣𑐾𑐧𑐴𑑅𑐥𑐶𑑄 𑐣𑐾𑐰𑐵𑑅 𑐣𑑂𑐴𑑂𑐫𑐮𑐹𑐰𑐵 𑐳𑐵𑐴𑐶𑐟𑑂𑐫𑐎𑐵𑐬𑐥𑐶𑑄 𑐳𑐩𑐵𑐖 𑐳𑐾𑐰𑐷 𑐴𑐶𑐟𑐎𑐬 𑐰𑐷𑐬 𑐳𑐶𑑄𑐴 𑐎𑑄𑐳𑐵𑐎𑐵𑐬, 𑐖𑐣𑐎𑐰𑐶 𑐡𑐸𑐬𑑂𑐐𑐵𑐮𑐵𑐮 𑐱𑑂𑐬𑐾𑐲𑑂𑐛, 𑐄𑐥𑐣𑑂𑐫𑐵𑐳𑐎𑐵𑐬 𑐩𑐠𑐸𑐬𑐵 𑐳𑐵𑐫𑐩𑐶, 𑐩𑐮𑑂𑐮 𑐎𑐾.𑐳𑐸𑐣𑑂𑐡𑐬 𑐮𑐶𑐳𑐾𑑄 𑐁𑐥𑐵𑐮𑑄 𑐨𑐵𑐲𑐵𑐴𑑂𑐫𑑅𑐩𑐶, 𑐥𑐟𑑂𑐬𑐎𑐵𑐬𑐥𑐶𑐣𑐶𑐐𑐸 𑐧𑑂𑐰𑐟𑐶𑐡𑐸𑐐𑐸 𑐏𑑅 𑑋
𑐳𑐦𑐹𑐫𑐵 𑐥𑑂𑐬𑐎𑐵𑐱𑐎 𑐎𑐸𑐟𑑅𑐥𑐶𑐎𑐵𑐎𑑅 𑐎𑐖𑐶 𑐧𑐶𑐩𑐮 𑐟𑐵𑐩𑑂𑐬𑐵𑐎𑐵𑐬𑑄 𑐳𑐦𑐸𑐟𑐶𑐂 𑐡𑐸𑐠𑑂𑐫𑐵𑐣𑐵𑐔𑑂𑐰𑑄𑐐𑐸 𑐧𑐵𑐏𑑄𑐫𑐵𑐟 𑐎𑐫𑐵𑑅 𑐖𑐵𑐣𑐎𑐵𑐬𑐷 𑐧𑐶𑐳𑐾𑑄 𑐮𑐳𑐎𑐸𑐳 𑐣𑑂𑐰𑐔𑐹 𑐟𑐫𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑑅 𑐴𑐶𑐳𑐶𑐮𑐶𑐣𑐵 𑐱𑐵𑐎𑑂𑐫𑑄 𑐣𑑂𑐴𑑂𑐫𑐵𑐎𑐵𑐡𑐷𑐐𑐸 𑐏𑑅 𑑋
𑐧𑐸𑐏𑑃 – 𑐣𑐾𑐰𑐵𑑅 𑐳𑐹𑐔𑐣𑐵 𑐎𑐾𑐣𑑂𑐡𑑂𑐬𑐎𑐶𑐥𑐵 – 𑐬𑐵𑐖𑐾𑐣𑑂𑐡𑑂𑐬 𑐬𑐘𑑂𑐖𑐶𑐟