𑐳𑐸𑐣𑑂𑐡𑐬 𑐧𑑂𑐰𑐣𑐵𑐎𑐸𑐠𑐶 – 𑐳𑐎𑐮 𑐥𑐬𑐷𑐎𑑂𑐲𑐵𑐬𑑂‍𑐠𑐷𑐥𑐶𑐣𑑂𑐟𑑄 𑐨𑐶𑐣𑑂𑐟𑐸𑐣𑐵 –

𑐠𑑁𑑄 𑐔𑐿𑐟 𑑑𑑐 𑐐𑐟𑐾𑐣𑐶𑐳𑐾𑑄 𑐊𑐳𑐂𑐂 𑐥𑐬𑐷𑐎𑑂𑐲𑐵 𑐤𑑂𑐫𑐵𑐂𑐐𑐸

𑐠𑐸𑐐𑐸 𑐡𑑃𑐫𑐵 𑐩𑐵𑐢𑑂𑐫𑐩𑐶𑐎 𑐱𑐶𑐎𑑂𑐲𑐵 𑐥𑐬𑐷𑐎𑑂𑐲𑐵 𑐀𑐬𑑂‍𑐠𑐵𑐟 𑐊𑐳𑐂𑐂 𑐥𑐬𑐷𑐎𑑂𑐲𑐵 𑐔𑐿𑐟 𑑑𑑐 𑐐𑐟𑐾 𑐳𑐸𑐠𑐳𑐶𑐫𑐵 𑑘 𑐟𑐵𑑅𑐣𑐶𑐳𑐾. 𑐤𑑂𑐫𑐵𑐂𑐐𑐸 𑐖𑐹𑐐𑐸 𑐡𑐸 𑑋 𑐠𑐸𑐐𑐸 𑐡𑑃𑐫𑐵 𑐊𑐳𑐂𑐃 𑐥𑐬𑐷𑐎𑑂𑐲𑐵𑐫𑑂 𑐡𑐾𑐫𑑂𑐣𑑂𑐫𑑄𑐎𑑄 𑐎𑐹𑐮 𑑔 𑐮𑐏 𑑗𑑕 𑐡𑑂𑐢𑑅 𑐰 𑐳𑑂𑐰𑐳𑑅 𑐥𑐬𑐷𑐎𑑂𑐲𑐵𑐬𑑂‍𑐠𑐷𑐥𑐶𑐣𑑂𑐳𑑄 𑐧𑑂𑐰𑐟𑐶 𑐎𑐵𑐂𑐐𑐸 𑐳𑐷 𑐡𑐸𑐐𑐸 𑐡𑐸 𑑋 𑐥𑐬𑐷𑐎𑑂𑐲𑐵𑐬𑑂‍𑐠𑐷𑐥𑐶𑑄 𑐩𑐢𑑂𑐫𑐾 𑐣𑐶𑐐𑐹 𑐮𑐏 𑑓𑑖 𑐡𑑂𑐢𑑅 𑑔𑑔𑑕 𑐕𑐵𑐟𑑂𑐬 𑐬 𑐣𑐶𑐐𑐹 𑐮𑐏 𑑓𑑘 𑐡𑑂𑐢𑑅 𑑕𑑕𑑘 𑐕𑐵𑐟𑑂𑐬𑐵𑐥𑐶𑐣𑑂𑐳𑑄 𑐥𑐬𑐷𑐎𑑂𑐲𑐵 𑐧𑐶𑐂𑐐𑐸 𑐳𑐷 𑐡𑐸𑐐𑐸 𑐡𑐸 𑑋 𑐥𑐬𑐷𑐎𑑂𑐲𑐵𑐫𑑂 𑐡𑐎𑐮𑐾 𑐀𑐥𑑂𑐥𑑀 𑐥𑑂𑐬𑐡𑐾𑐱 𑐣𑑄 𑑓 𑐥𑐵𑐏𑐾𑑄 𑐕𑐐𑐹 𑐮𑐏 𑑖𑑐𑑒 𑐥𑐬𑐷𑐎𑑂𑐲𑐵𑐬𑑂‍𑐠𑐷𑐥𑐶𑐣𑑂𑐳𑑄 𑐧𑑂𑐰𑐟𑐶 𑐎𑐵𑐂𑐐𑐸 𑐖𑐹𑐐𑐸 𑐡𑐸 𑑋 𑐠𑐸𑐎𑐠𑑄 𑐴𑐾 𑐡𑐎𑐮𑐾 𑐪𑑀 𑐎𑐬𑑂‍𑐞𑐵𑐮𑐷 𑐥𑑂𑐬𑐡𑐾𑐱𑐥𑐵𑐏𑐾𑑄 𑑓𑑕 𑐡𑑂𑐢𑑅 𑑖𑑒𑑔 𑐥𑐬𑐷𑐎𑑂𑐲𑐵𑐬𑑂‍𑐠𑐷𑐥𑐶𑑄 𑐳𑐴𑐨𑐵𑐐𑐷 𑐖𑐸𑐫𑐵 𑐔𑑂𑐰𑑄𑐐𑐸 𑐡𑐸 𑑋 𑐠𑐸𑐐𑐸 𑐡𑑃𑐫𑑂 𑐥𑑂𑐬𑐡𑐾𑐱𑐎𑐠𑑄 𑐥𑑂𑐬𑐱𑑂𑐣𑐥𑐟𑑂𑐬 𑐕𑐥𑐵𑐃 𑐫𑐵𑑅𑐐𑐸 𑐏𑑅𑐳𑐵 𑐥𑐬𑐷𑐎𑑂𑐲𑐵 𑐧𑑀𑐬𑑂‍𑐜𑑄 𑐥𑑂𑐬𑐱𑑂𑐣𑐥𑐟𑑂𑐬 𑐕𑐥𑐵𑐃, 𑐄𑐟𑑂𑐟𑐬𑐥𑐸𑐳𑑂𑐟𑐶𑐎𑐵 𑐥𑐬𑐷𑐎𑑂𑐲𑐞 𑐬 𑐥𑐬𑐷𑐎𑑂𑐲𑐵𑐦𑐮 𑐥𑑂𑐬𑐎𑐵𑐱𑐣 𑐫𑐵𑐂𑐐𑐸 𑐖𑐹𑐐𑐹 𑐡𑐸 𑑋
𑐥𑐬𑐷𑐎𑑂𑐲𑐵 𑐰𑑂𑐫𑐰𑐳𑑂𑐠𑐵𑐥𑐣 𑐫𑐵𑐫𑐟 𑐥𑑂𑐬𑐡𑐾𑐱 𑐳𑐬𑐎𑐵𑐬 𑐳𑐵𑐩𑐵𑐖𑐶𑐎 𑐰𑐶𑐎𑐵𑐳 𑐩𑐣𑑂𑐟𑑂𑐬𑐵𑐮𑐫 𑐰 𑐱𑐶𑐎𑑂𑐲𑐵 𑐰𑐶𑐎𑐵𑐳 𑐟𑐠𑐵 𑐳𑐩𑐣𑑂𑐰𑐫 𑐊𑐎𑐵𑐂𑐮𑑄 𑐥𑐬𑐷𑐎𑑂𑐲𑐵 𑐳𑐩𑐣𑑂𑐰𑐫 𑐳𑐩𑐶𑐟𑐶 𑐣𑐷𑐳𑑂𑐰𑐣𑐵 𑐎𑐾𑐣𑑂𑐡𑑂𑐬𑐵𑐢𑑂𑐫𑐎𑑂𑐲 𑐣𑐶𑐫𑐸𑐎𑑂𑐟𑐶 𑐫𑐵𑑅𑐐𑐸 𑐡𑐸 𑑋
𑐠𑐸𑐐𑐸 𑐡𑑃𑐫𑑂 𑐣𑑄 𑐣𑐾𑐥𑐵𑐮𑐨𑐵𑐲𑐵𑐫𑐵 𑐩𑐵𑐢𑑂𑐫𑐩𑑄 𑐧𑑂𑐰𑑄𑐎𑐵𑐰𑐫𑐵𑐔𑑂𑐰𑑄𑐐𑐸 𑐖𑐐𑐟 𑐬𑐵𑐸𑐣𑑂𑐡𑐬 𑐧𑑂𑐰𑐣𑐾𑐎𑐸𑐠𑐶𑐫𑐵 𑐧𑑂𑐰𑐩𑐶𑐥𑐶𑑄 𑐣𑑄 𑐊𑐳𑐂𑐂 𑐥𑐬𑐷𑐎𑑂𑐲𑐵𑐫𑑂 𑐳𑐩𑑂𑐩𑐶𑐮𑐶𑐟 𑐖𑐸𑐂𑐐𑐸 𑐖𑐹𑐐𑐸 𑐡𑐸 𑑋 𑐠𑐸𑐐𑐸𑐳𑐷 𑐊𑐳 𑐂𑐂 𑐥𑐬𑐷𑐎𑑂𑐲𑐵𑐫𑑂 𑐧𑑂𑐰𑐟𑐶 𑐎𑐵𑐂𑐥𑐶𑐣𑐶𑐐𑐸 𑐎𑐶𑐥𑐵 𑐣𑑄 𑐠𑐣 𑐤𑑂𑐫𑑀𑐧𑑂𑐰𑐫𑐵 𑐔𑑂𑐰𑐣𑐵 𑑋

𑐳𑐩𑑂𑐫𑐎 𑐰𑐵𑑅𑐥𑑁