𑐳𑑂𑐎𑐸𑐮 𑐳𑑂𑐎𑐸𑐮𑐫𑑂 𑐮𑐵𑐏𑐾 𑐰 𑐥𑐸𑐮𑐸𑐎𑐶𑐳𑐶

𑐫𑑃𑐫𑐵𑑅 𑐖𑐵𑐟𑑂𑐬𑐵 𑐠𑑁𑑄 𑐎𑑂𑐰𑐔𑐵𑐫𑐾𑐟𑑂𑐫𑑄𑐐𑐸 𑐡𑐸 𑑋 𑐠𑑁𑑄 𑐣𑐵𑐣𑐶𑐔𑐵 𑐫𑐵𑑅 𑐖𑐸𑐂𑐳𑐵 𑐧𑐴𑐣𑐷 𑐫𑑅𑐳𑐶𑑄 𑐎𑑂𑐰𑑅𑐠𑐮𑐷 𑑋 𑐠𑑁𑑄 𑐴𑐾 𑐬𑐵𑐲𑑂𑐚𑑂𑐬𑐥𑐟𑐶𑐥𑐵𑐏𑐾𑑄 𑐎𑐸𑐩𑐵𑐬𑐷𑐫𑐵 𑐮𑑂𑐴𑐵𑐟𑑄 𑐳𑐶𑐣𑑂𑐴𑑅 𑐟𑐶𑐣𑐵𑐡𑐷 𑑋
𑐠𑐸𑐐𑐸𑐳𑐷 𑐫𑐾𑑃𑐫𑐵 𑐠𑐷𑐠𑐷 𑐰𑐶𑐡𑑂𑐫𑐵𑐮𑐫𑐫𑑂 𑐣𑑄 𑐫𑑃𑐫𑐵𑑅 𑐣𑑂𑐫𑐵𑐫𑐾𑐎𑐾𑐐𑐸 𑐖𑑂𑐫𑐵 𑐖𑐸𑐮 𑑋 𑐫𑐾𑑃 𑐩𑐣𑐥𑐵𑑄 𑐳𑑂𑐠𑐵𑐣𑐷𑐫 𑐰𑐶𑐲𑐫 𑐣𑐾𑐥𑐵𑐮𑐨𑐵𑐲𑐵𑑄 𑐧𑑂𑐰𑑄𑐎𑐾𑐐𑐸 𑐱𑐸𑐬𑐸 𑐫𑐵𑐫𑐾𑐰𑑄 𑐄𑐎𑐶𑐫𑐵 𑐴𑐾 𑐥𑐵𑐛𑑂𑐫𑐎𑑂𑐬𑐩 𑐎𑐠𑑄 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐟 𑐫𑑃𑐫𑐵𑑅 𑐥𑐬𑑂𑐰 𑐣𑑂𑐫𑐵𑐫𑐾𑐎𑐾 𑐧𑐷𑐐𑐸 𑐖𑑂𑐫𑐵 𑐖𑐹𑐐𑐸 𑐏𑑅 𑑋

𑐠𑑂𑐰 𑐮𑐳𑐟𑐵𑐫𑑂 𑐠𑐣𑐫𑐵 𑐖𑐐𑐟𑐳𑐸𑐣𑑂𑐡𑐬 𑐧𑑂𑐰𑐣𑐾𑐎𑐸𑐠𑐶, 𑐎𑐵𑐛𑐩𑐵𑐜𑑁𑑄 𑐎𑐶𑐣𑑂𑐜𑐬𑐐𑐵𑐬𑑂𑐚𑐾𑐣, 𑐖𑐣𑐥𑐠 𑐩𑐵𑐰𑐶, 𑐴𑑂𑐰𑐵𑐂𑐚𑐦𑐶𑐮𑑂𑐜 𑐳𑑂𑐎𑐸𑐮, 𑐰𑐶𑐱𑑂𑐰 𑐣𑐶𑐎𑐾𑐟𑐣 𑐩𑐵𑐰𑐶 𑐁𑐡𑐶 𑐳𑑂𑐎𑐸𑐮𑐫𑑂 𑐮𑐵𑐏𑐾, 𑐥𑐸𑐮𑐸𑐎𑐶𑐳𑐶 𑐥𑐶𑐟 𑐴𑐫𑐵𑑅 𑐫𑑃𑐫𑐵𑑅 𑐣𑑂𑐫𑐵𑐫𑐾𑐎𑐾𑐐𑐸 𑐖𑑂𑐫𑐵 𑐖𑐹𑐐𑐸 𑐏𑑅 𑑋 𑐐𑐣𑑄 𑐐𑐣𑑄 𑐳𑑂𑐎𑐸𑐮𑐫𑑂 𑐮𑐵 𑐥𑐸𑐮𑐸𑐎𑐶𑐳𑐶 𑐥𑐶𑐟 𑐴𑐫𑐵𑑅 𑐳𑑂𑐎𑐸𑐮𑐫𑐵 𑐖𑑅𑐏𑑅 𑐔𑑂𑐰𑑄𑐐𑐸 𑐳𑐟𑐎𑐫𑑂 𑐟𑐎𑑄 𑐔𑐵𑑅𑐴𑐷𑐎𑐾𑐐𑐸 𑐖𑑂𑐫𑐵 𑐖𑐹𑐐𑐸 𑐏𑑅 𑑋 𑐀𑐠𑐾 𑐴𑐾 𑐖𑑂𑐫𑐵𑐗𑑂𑐰𑑅 𑐮𑐶𑐥𑐵 𑐩𑐳𑑂𑐟𑐫𑑂𑐟 𑐳𑐩𑐫𑑂𑐧𑐖𑐶 𑐣𑐎𑐾𑐐𑐸 𑐖𑑂𑐫𑐵 𑐫𑐵𑑅𑐐𑐸 𑐏𑑅 𑑋 𑐠𑐸𑐎𑐶𑑄 𑐩𑐳𑑂𑐟𑐫𑑂𑐟 𑐥𑐵𑐛𑑂𑐫𑐎𑑂𑐬𑐩 𑐎𑐠𑑄 𑐫𑐾𑑃𑐫𑐵 𑐳𑑄𑐳𑑂𑐎𑐺𑐟𑐶𑐧𑐵𑐬𑐾 𑐠𑐸𑐂𑐎𑐾𑐟 𑐫𑐎𑑂𑐰 𑐀𑑅𑐥𑐸𑐂𑐐𑐸 𑐏𑑃 𑐳𑐩𑑂𑐧𑐣𑑂𑐢 𑐳𑑂𑐫𑐣𑐵𑐩𑐶𑐟𑐫𑑂𑐳𑑄 𑐢𑐵𑑅𑐐𑐸 𑐡𑐸 𑑋

𑐠𑑂𑐰𑐴𑐾 𑐗𑑂𑐰𑐮𑐫𑑂 𑐩𑑂𑐴𑐶𑐐𑑅𑐣𑐶𑐳𑐾𑑄 𑐀𑐩𑐾𑐬𑐶𑐎𑐵𑐫𑑂 𑐣𑑄 𑐠𑐷𑐠𑐷 𑐠𑐵𑐳𑐫𑑂 𑐫𑑃𑐫𑐵𑑅 𑐥𑐬𑑂𑐰 𑐣𑑂𑐫𑐵𑐫𑐾𑐎𑐾𑐐𑐸 𑐖𑑂𑐫𑐵 𑐖𑐹𑐐𑐸 𑐡𑐸 𑑋 𑐴𑐮𑐶𑑄 𑐣𑐾𑐰𑐵𑑅 𑐡𑐧𑐹𑐫𑐵 𑐥𑐸𑐮𑐵𑑄𑐩𑑂𑐴 𑐣𑐵𑐫𑑅 𑐳𑐶𑐖𑐣 𑐱𑑂𑐬𑐾𑐲𑑂𑐛𑑄 𑐎𑐣𑐵𑐡𑐷 𑐎𑐠𑑄 𑐠𑐸𑐐𑐸𑐳𑐷 𑐖𑐎 𑐀𑐩𑐾𑐬𑐶𑐎𑐵𑐫𑐵 𑑑𑑑 𑐐𑐹 𑐠𑐵𑐳𑐫𑑂 𑐫𑑃𑐫𑐵𑑅 𑐥𑐬𑑂𑐰 𑐣𑑂𑐫𑐵𑐫𑐾𑐎𑐾𑐐𑐸 𑐖𑑂𑐫𑐵 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸 𑑋