𑐳𑑂𑐰𑐔𑐵𑑅 𑐑𑑅𑐔𑐵𑑅 𑐡𑐸𑐐𑐸 𑐳𑐵𑐂𑐎𑐮 – Let’s Read

𑐩𑐶𑐣𑐷𑐫𑐵 𑐣𑑂𑐫𑐵𑐡𑑃 𑐧𑐸𑐡𑐶𑑄 𑐰𑐂𑐣 𑑋 𑐩𑐶𑐣𑐷 𑐠:𑐐𑐸 𑐣𑑂𑐴𑑂𑐫𑐧𑑂𑐰:𑐳𑐵 𑐩𑑂𑐴𑐶𑐟𑐸𑐩𑑂𑐴𑐶𑐟𑐸𑑄 𑐧𑐸𑐣𑑂𑐴𑐶𑐫𑐵 𑐧𑐵𑐬𑐾 𑐮𑐸𑐩𑑄𑐎𑐵: 𑐮𑐫𑑂‌𑐟𑐵𑐫𑐵 𑐔𑑂𑐰𑐣𑐵 𑑋

𑐩𑐶𑐣𑐷𑐫𑐵𑐟 𑐰𑐫𑐵𑐐𑐸 𑐀𑐖: 𑐄𑐮𑐵𑐟:𑐩𑑂𑐴 𑐎𑐟𑐵𑑄𑐩𑐬𑐶, 𑐐𑑂𑐰𑐵𑐬𑐵𑐩𑐵𑐬𑐵𑐩𑑂𑐴 𑐨𑐵𑐮𑐸, 𑐣𑑂𑐴𑐶𑐥𑑄 𑐟𑐵𑐴𑐵𑑅 𑐩𑐵𑐎:, 𑐰𑐵𑐄𑑃𑐩𑑂𑐴 𑐨𑐟𑑂𑐟‍𑐸 𑐰 𑐣𑑂𑐴𑐵𑐫𑑂‌𑐥𑑄 𑐟𑐵𑐴𑐵𑑅 𑐏𑐬𑐵𑐔𑐵 𑐟𑐳𑐎𑑄 𑐫 : 𑑋

𑐩𑐶𑐣𑐷 𑐠:𑐐𑐸 𑐡𑐎𑑂𑐰𑑄 𑐣𑑂𑐴𑑂𑐫𑐧𑑂𑐰𑑅𑐳𑐵 𑐎𑑀𑐠𑐵𑐫𑑂 𑐧𑑂𑐰𑐫𑐵𑐟:𑐐𑐸 𑐡𑐸 𑑋

𑐩𑐾𑐐𑐸 𑐰𑐵𑐮𑐫𑑂 𑐩𑐶𑐣𑐷𑐫𑐵 𑐧𑐸𑐣𑑂𑐴𑐶𑐫𑐵 𑐮𑐳𑐟𑐵𑐫𑑂 𑐗𑐷𑐳𑑄 𑐣𑑄 𑐕𑐸𑑄 𑐡𑐾𑐕𑐵 𑐧𑐶𑐂𑐐𑐸 𑐏:𑐮𑐵? 𑐐𑑂𑐰𑐵𑐬𑐵𑐩𑑂𑐰𑐵𑐬𑐵𑐩𑑂𑐴 𑐨𑐵𑐮𑐸𑑄 𑐣𑑂𑐫𑐣 𑑋 ‘𑐐𑐖𑑂𑐫𑐵𑐐𑐸 𑐧𑐵𑑄𑐮𑐵:𑐐𑐸 𑐏𑑃 𑐮𑑂𑐴𑐵𑐣𑐵𑐐𑐸, 𑐐𑑂𑐰𑐵𑐬𑐵 𑐡𑐵𑐂 ! 𑐏: , 𑐗𑐷𑐳𑑄 𑐣𑑄 𑐩𑐶𑐣𑐷𑐫𑐵𑐟 𑐕𑐸𑑄 𑐡𑐾𑐕𑐵 𑐧𑐶𑐂 𑐣𑐸 𑑋 𑐀𑐖: 𑐄𑐮𑐵𑐟𑑅𑐩𑑂𑐴 𑐎𑐟𑐵𑑄𑐩𑐬𑐶𑑄 𑐢𑐵𑐮 𑑋

 

𑐩𑐶𑐣𑐷 𑐁: 𑐧𑑂𑐰𑐣𑐾𑐎𑐸𑐠𑐶 𑐰𑐣𑐷𑐐𑐸 𑐖𑐸𑐂 𑑋 𑐗𑐷 𑐳𑐎𑐮𑐾𑑄 𑐖𑐵𑐣𑐵: 𑐰𑐫𑐵𑐟 𑐧𑑂𑐰𑐣𑐾𑐎𑐸𑐠𑐶 𑐰𑐣𑐾𑐟 𑐳𑑂𑐰𑐔𑐵: 𑐑:𑐔𑐵: 𑐡𑐸𑐐𑐸 𑐳𑐵𑐂𑐎𑐮 𑐕𑐐𑐹 𑐡𑐾𑐕𑐵 𑐧𑐶𑐂𑐐𑐸 𑐏: 𑐮𑐵 ? ” 𑐰𑐵𑐄𑑃𑐨𑐟𑑂𑐟𑐸𑑄 𑐣𑑂𑐫𑐣 𑑋
𑐩𑐶𑐣𑐷𑐫𑐵𑐟 𑐳𑑂𑐰𑐔𑐵: 𑐑:𑐔𑐵: 𑐡𑐸𑐐𑐸 𑐳𑐵𑐂𑐎𑐮 𑐡𑐾𑐕𑐵 𑐧𑐶𑐂𑐐𑐸 𑐏𑑃𑐫𑑂 𑐳𑐎𑐳𑐶𑐫𑐵𑑄 𑐏𑑃 𑐧𑑂𑐫𑐵𑐟 𑑋 𑐟𑐬 𑐳𑐵𑐂𑐎𑐮 𑐣𑑂𑐫𑐵𑐫𑐾𑐟 𑐢𑐾𑐧𑐵 𑐐𑐠𑐾𑐫𑐵𑐣𑐵: 𑐩𑐸𑑄𑐎𑐾𑐐𑐸 𑐢𑐿𑐐𑐸 𑐣𑑂𑐴𑑂𑐫𑐳: 𑐡𑐣 𑑋

𑐡𑐾𑐕𑐵 𑐧𑐶𑐂𑐐𑐸 𑐏𑑃𑐫𑑂 𑐳𑐎𑐳𑑂𑐫𑐵𑑄 𑐏𑑃 𑐧𑑂𑐫𑐵𑐟 𑑋 𑐀𑐮𑐾 𑐩𑐶𑐣𑐷𑐫𑐵𑐟 𑐕𑐸 𑐡𑐾𑐕𑐵 𑐧𑐶𑐂𑐐𑐸 𑐢𑐿𑐐𑐸 𑐏𑑃𑐫𑑂 𑐳𑐴𑐮𑐴 𑐧𑑂𑐫𑐵𑐎𑐮 𑑋

𑐩𑐶𑐣𑐷 𑐁: 𑐧𑑂𑐰𑐣𑐾𑐎𑐸𑐠𑐶 𑐰𑐣𑐷𑐐𑐸 𑐖𑐸𑐂 𑑋 𑐗𑐷 𑐳𑐎𑐮𑐾𑑄 𑐖𑐵𑐣𑐵: 𑐰𑐫𑐵𑐟 𑐧𑑂𑐰𑐣𑐾𑐎𑐸𑐠𑐶 𑐰𑐣𑐾𑐟 𑐳𑑂𑐰𑐔𑐵: 𑐑:𑐔𑐵: 𑐡𑐸𑐐𑐸 𑐳𑐵𑐂𑐎𑐮 𑐕𑐐𑐹 𑐡𑐾𑐕𑐵 𑐧𑐶𑐂𑐐𑐸 𑐏: 𑐮𑐵 ? ” 𑐰𑐵𑐄𑑃𑐨𑐟𑑂𑐟𑐸𑑄 𑐣𑑂𑐫𑐣 𑑋
𑐩𑐶𑐣𑐷𑐫𑐵𑐟 𑐳𑑂𑐰𑐔𑐵: 𑐑:𑐔𑐵: 𑐡𑐸𑐐𑐸 𑐳𑐵𑐂𑐎𑐮 𑐡𑐾𑐕𑐵 𑐧𑐶𑐂𑐐𑐸 𑐏𑑃𑐫𑑂 𑐳𑐎𑐳𑐶𑐫𑐵𑑄 𑐏𑑃 𑐧𑑂𑐫𑐵𑐟 𑑋 𑐟𑐬 𑐳𑐵𑐂𑐎𑐮 𑐣𑑂𑐫𑐵𑐫𑐾𑐟 𑐢𑐾𑐧𑐵 𑐐𑐠𑐾𑐫𑐵𑐣𑐵: 𑐩𑐸𑑄𑐎𑐾𑐐𑐸 𑐢𑐿𑐐𑐸 𑐣𑑂𑐴𑑂𑐫𑐳: 𑐡𑐣 𑑋

“𑐖𑐶𑐐𑐸 𑐧𑐶𑐔𑐵𑐮𑐫𑑂 𑐳𑑂𑐰𑐔𑐵: 𑐑:𑐔𑐵:𑐫𑐵 𑐳𑐵𑐂𑐎𑐮 𑐣𑑂𑐫𑐵𑐫𑐾𑐟 𑐫𑐎𑑂𑐰 𑐢𑐾𑐧𑐵 𑐩𑐵𑐮𑐶𑐂 𑑋 𑐀𑐠𑐾 𑐖𑐹𑐐𑐸𑐮𑐶 𑐗𑐷 𑐩𑐢𑑂𑐫𑐾 𑐕𑐸𑑄 𑐣𑑂𑐴𑑂𑐫𑐧𑑂𑐰𑑅𑐳𑐵𑑄 𑐠:𑐟 𑐴𑐾 𑐩𑐶𑐂𑐟 𑐟𑐫𑐵𑐬 𑐖𑐸𑐂𑐩𑐵𑐮𑐷 𑐀𑐮𑐾 𑐖𑐎 𑐗𑐷𑐳𑑄 𑐩𑐣𑑄𑐟𑐸𑐣𑐵 𑐠𑐾𑑄 𑐡𑐾𑐕𑐵 𑐣𑑂𑐫𑐵𑐫𑐾 𑐦𑐂 𑑋” 𑐣𑑂𑐴𑐶𑐥𑑄 𑐟𑐵𑐴𑐵𑑄: 𑐩𑐵𑐎𑐮𑑄 𑐢𑐵𑐮 𑑋
𑐠𑑂𑐰 𑐣𑑂𑐫𑐣𑐵: 𑐡𑐎𑑂𑐰 𑐣𑑂𑐴𑐫𑐧𑑂𑐰:𑐳𑐵𑐟𑐫𑑂‌𑐳𑑄 𑐥𑐶𑐬 𑐎𑐵𑐮 𑑋 ‍𑐳𑐸𑐫𑐵𑐟𑑄 𑐩𑐶𑐣𑐷 𑐟𑑂𑐰𑐟𑐵: 𑐰𑐣𑐾 𑐩𑑄𑐩𑐡𑐸 𑑋

𑐣𑑂𑐴𑐶𑐥𑑄 𑐟𑐵𑐴𑐵: 𑐩𑐵𑐎𑐮𑑄 𑐳𑐎𑐳𑐶𑐟𑑄 𑐱𑐵𑐣𑑂𑐟 𑐫𑐵𑐳𑐾𑑄 𑐢𑐵𑐮, ” 𑐣𑑂𑐴𑐵𑐥𑐵𑑄 𑐗𑐷 𑐳𑐎𑐮𑐾𑑄 𑐣𑑂𑐴𑑂𑐫𑐧𑑂𑐰:𑐳𑐵 𑐥𑐳𑐮𑐫𑑂 𑐰𑐣𑐾𑐣𑐸 𑑋 𑐀𑐮𑐾 𑐳𑑂𑐰𑐔𑐵: 𑐑:𑐔𑐵: 𑐡𑐸𑐐𑐸 𑐳𑐵𑐂𑐎𑐮𑐫𑐵 𑐩𑐹 𑐐𑐸𑐮𑐶 𑐟𑐹 𑐣𑑂𑐫𑐣𑐵: 𑐕𑐸 𑐫𑐵𑐫𑐾𑐩𑐵: 𑐫𑐵𑐫𑐾 𑑋 𑐩𑐵𑐎:𑐫𑐵 𑐏𑑃 𑐳𑐎𑐳𑐶𑐟𑑄 𑐫𑐮 𑑋

𑐎𑐣𑑂𑐴𑐫𑑂 𑐏𑐸𑐣𑑂𑐴𑐸 𑐂𑐥𑐶𑑄 𑐳𑐎𑐮𑐾𑑄 𑐣𑑂𑐴𑑂𑐫𑐧𑑂𑐰:𑐳𑐵 𑐥𑐳𑐮𑐫𑑂 𑐰𑐣 𑑋 𑐳𑐵𑐂𑐎𑐮𑐫𑑂 𑐟𑐶𑐎𑐵𑐟:𑐐𑐸 𑐩𑐹 𑐳𑑂𑐰𑐫𑐵: 𑐂𑐩𑐶𑐳𑑄 𑐳𑑂𑐰𑐔𑐵: 𑐑:𑐔𑐵: 𑐡𑐸𑐐𑐸 𑐳𑐵𑐂𑐎𑐮𑐫𑐵 𑐨𑐵: 𑐳𑐶𑐂𑐎𑐮 𑑋

𑐳𑐵𑐂𑐎𑐮𑐫𑐵 𑐨𑐵: 𑐳𑐶𑐂𑐰𑑄 𑐣𑑂𑐴𑑂𑐫𑐧𑑂𑐰:𑐳𑐵𑐟𑐫𑑂 𑐣𑐸𑐐: 𑐎𑑂𑐰𑐟𑐸𑐣 𑑋 𑐄𑐑𑑂𑐬𑐶𑐩𑐫𑑂 𑐩𑐵𑐎𑐮𑑄 𑐢𑐵𑐮, ” 𑐠𑐸𑐎𑐶𑐫𑐵 𑐧𑐵𑐬𑐾 𑐣𑑂𑐴𑑂𑐫𑐧𑑂𑐰:𑐳𑐵 𑐥𑐳𑐮𑑂𑐫𑐵 𑐮𑐶𑐳𑐾 𑐏𑑃𑐮𑑂𑐴𑐵𑐫𑐾 𑐣𑐸 𑑋”
𑐰𑐫𑑂‌𑐎𑐮𑑄 𑐕𑐸𑑄 𑐮𑑃𑐥𑐸 𑐎𑑂𑐫𑐣𑐵 𑐡𑐶𑐂𑐮𑐵?

𑐣𑑂𑐴𑑂𑐫𑐧𑑂𑐰:𑐳𑐵 𑐥𑐳𑐮𑑂𑐫𑐵𑑄 𑐣𑑂𑐴𑑂𑐧𑑂𑐰:𑐳𑐵𑐟 𑐖𑐵𑐣𑐵: 𑐳𑐸𑐫𑐵𑐟𑑄 𑐡𑐾𑐕𑐵 𑐧𑐶𑐂𑐟𑑂𑐫𑑄𑐐𑐸 𑐏𑑃 𑐣𑑂𑐴𑑂𑐫𑐿𑐥𑐸 𑐟𑐵𑐫𑐾𑐎𑐵: 𑐣𑑂𑐫𑐣𑐵𑐔𑑂𑐰𑐣 𑑋

𑐥𑐳𑐮𑑂𑐫𑐵 𑐎𑐎𑐵, 𑐥𑐳𑐮𑑂𑐫𑐵 𑐎𑐎𑐵 ! “𑐖𑐶𑐥𑐶𑑄 𑐳𑐎𑐳𑐶𑐟𑑄 𑐕𑐶𑐐𑐸 𑐥𑐳𑐮𑐫𑑂 𑐟𑐫𑐵𑐡𑐶𑐳𑑃, 𑐄𑐎𑐶𑐫𑐵 𑐥𑐮𑐾𑐳𑐵 𑐕𑐐𑐹 𑐳𑑂𑐰𑐔𑐵: 𑐑:𑐔𑐵: 𑐡𑐸𑐐𑐸 𑐳𑐵𑐂𑐎𑐮 𑐧𑐶𑐫𑐵 𑐡𑐶𑐳𑑃 𑐣𑑂𑐴𑐶 ? 𑐀𑐖𑑅 𑐄𑐮𑐵𑐟:𑐩𑑂𑐴 𑐎𑐟𑐵𑑄𑐩𑐬𑐶𑑄 𑐢𑐵𑐮 𑑋

𑐣𑑂𑐴𑑂𑐫𑐧𑑂𑐰:𑐳𑐵𑐟𑐫𑑂‌𑐳𑑄 𑐠:𑐟 𑐩𑐶𑐫𑐵: 𑐖𑐹𑐳𑐵𑑄 𑐩𑐶𑐣𑐷𑐫𑐵𑐟 𑐡𑐾𑐕𑐵 𑐧𑐶𑐂𑐟𑑂𑐫𑑄𑐐𑐸 𑐳𑐶𑐫𑐵𑑅 𑐥𑐳𑐮𑑂𑐫𑐵𑐫𑐵 𑐣𑐸𑐐: 𑐣𑐵𑐮 𑑋 𑐥𑐳𑐮𑑂𑐫𑐵𑑄 𑐣𑑂𑐴𑑂𑐫𑐧𑑂𑐰:𑐳𑐵𑐟𑐫𑑂‌𑐐𑐸 𑐏𑑃 𑐣𑑂𑐫𑐣, 𑐰 𑐩𑐶𑐣𑐷𑐫𑐵 𑐕𑐾𑑃𑐫𑐵 𑐠𑐵𑐫𑑂‌𑐧𑐵𑐫𑑂 𑐣𑑂𑐫𑐣 𑑋

𑐩𑐶𑐣𑐷𑐣𑐵𑐥 𑐧𑐵𑐫𑐾 𑐩𑐵𑐮𑐶𑐂𑐧𑐮𑐫𑑂 𑐖𑐶𑐩𑐶 𑐣𑐸𑐐𑑅 𑐫𑐎𑑂𑐰 𑐩𑐕𑐶𑑄 𑐟𑐬 𑐁: 𑐩𑐶𑐣𑐷𑐫𑐵𑐟 𑐖𑐶𑐥𑐶𑑄 𑐠𑐾𑑄 𑐖𑐵:𑐐𑐸 𑐣𑑂𑐴𑑂𑐫𑐧𑑂𑐰:𑐳𑐵 𑐳𑐶𑐧𑐾𑑄 𑐳𑑂𑐰𑐔𑐵: 𑐑:𑐔𑐵: 𑐡𑐸𑐐𑐸 𑐳𑐵𑐂𑐎𑐮 𑐩𑐵𑐮𑐵 𑐔𑑂𑐰𑑄𑐐𑐸 𑐡𑐸 𑑋” 𑐩𑐵𑐎𑐮𑑄 𑐢𑐵𑐮 𑑋

𑐥𑐳𑐮𑑂𑐫𑐵𑑄 𑐡𑐎𑑂𑐰 𑐣𑑂𑐴𑑂𑐫𑐧𑑂𑐰:𑐳𑐵𑐟 𑐥𑐳𑐮𑐫𑑂 𑐟𑐫𑐵𑑅 𑐕𑐐𑐹 𑐔𑐶𑐚𑐶𑐎𑑂𑐎 𑐔𑑂𑐰𑑄𑐐𑐸 𑐳𑑂𑐰𑐔𑐵: 𑐑:𑐔𑐵: 𑐡𑐸𑐐𑐸 𑐳𑐵𑐂𑐎𑐮 𑐩𑐶𑐣𑐷𑐫𑐵 𑐕𑐾𑑃𑐫𑑂 𑐕𑑂𑐰𑐫𑐵 𑐧𑐶𑐂𑐐𑐸 𑐧𑐔𑑄 𑐧𑐶𑐮 𑑋

𑐩𑐶𑐣𑐷𑐫𑐵 𑐕𑐾𑑃𑐫𑑂 𑐩𑐶𑐣𑐷𑐫𑐵 𑐧𑐸𑐣𑑂𑐴𑐶𑐫𑐵 𑐔𑐴𑑅𑐥𑐴: 𑐖𑐸𑐫𑐵 𑐔𑑂𑐰𑐣 𑑋 𑐩𑐶𑐣𑐷𑐫𑐵 𑐥𑐵𑐳𑐵𑐥𑐶𑑄 𑐰 𑐩𑐵𑐩𑐧𑐸𑐧𑐵𑐥𑐶𑑄 𑐩𑐸𑐣𑐵: 𑐩𑐶𑐣𑐷𑐫𑐵𑐟 𑐧𑐸𑐣𑑂𑐴𑐶𑐫𑐵 𑐨𑐶𑑄𑐟𑐸𑐣𑐵 𑐰 𑐡𑐾𑐕𑐵 𑐧𑐶𑐫𑐵 𑐔𑑂𑐰𑐣 𑑋 𑐀𑐫𑑂‌𑐣𑑄 𑐩𑐶𑐣𑐷𑐫𑐵 𑐏𑑂𑐰𑐵𑐮𑐫𑑂 𑐮𑐳𑐟𑐵 𑐩𑐡𑐸 𑑋 𑐕𑐵𑐫𑑂 𑐢𑐵:𑐳𑐵𑑄 𑐩𑐶𑐣𑐷𑐫𑐵 𑐡𑐎𑑂𑐰𑑄 𑐣𑑂𑐴𑑂𑐫𑐧𑑂𑐰:𑐳𑐵𑐟𑐫𑑂‌𑐳𑑄 𑐰𑐫𑐵𑐟 𑐟𑑂𑐰𑑅𑐟𑐵 𑐰𑑄𑐐𑐸 𑐡𑐸 𑑋

𑐠𑐸𑐧𑐮𑐫𑑂 𑐴𑐾 𑐮𑐸𑐏𑐵𑑄 𑐕𑐩𑑂𑐴 𑐩𑐣𑐹 𑐡𑐸𑐴𑐵𑑄 𑐰𑐮 𑑋 𑐰 𑐢𑐵𑐮 ” 𑐧𑐸𑐣𑑂𑐴𑐶𑐫𑐵 𑐨𑐶𑑄𑐟𑐸𑐣𑐵 ! 𑐖𑐶𑐟: 𑐣𑑂𑐴𑑂𑐫𑐧𑑂𑐰:𑐳𑐵 𑐥𑐳𑐮𑑂𑐫𑐵𑑄 𑐕𑑂𑐰𑐫𑐵 𑐴:𑐐𑐸 𑑋 𑐠𑑂𑐰 𑐩𑐾𑐐𑐸 𑐡𑐾𑐕𑐵 𑐎𑐫𑐵𑐡𑐶𑐳𑑃 𑑋

𑐧𑐚𑑂𑐚𑐵 𑐡𑐸𑐣𑐾𑑄 𑐕𑐐𑐸 𑐬𑑄𑐐𑐶𑐧𑐶𑐬𑑄𑐐𑐷 𑐳𑑂𑐰𑐔𑐵: 𑐑:𑐔𑐵: 𑐡𑐸𑐐𑐸 𑐳𑐵𑐂𑐎𑐮 𑐥𑐶𑐴𑐵𑑄 𑐰𑐮 𑑋 ‘𑐩𑐶𑐣𑐷, 𑐕𑐣𑑂𑐟 𑐧𑐸𑐣𑑂𑐴𑐶𑐫𑐵 𑐨𑐶𑑄𑐟𑐸𑐣𑐵 ! 𑐕 𑐨𑐶𑑄𑐩𑑂𑐴 𑐰 𑐟: 𑐢𑑄𑐩𑑂𑐴 𑐩𑐣𑐹 𑐖𑐸𑐂𑐩𑐵 – 𑐕𑐣𑑂𑐟 𑐩𑐟𑐶𑐣𑐵 𑐫𑐵𑐂𑐥𑐶𑑄 𑐣𑑂𑐴𑑂𑐫𑐧𑑂𑐰:𑐳𑐵𑐟, 𑐳𑐵𑐂𑐎𑐮𑐫𑑂 𑐫𑐵𑐐𑑂𑐐𑐵𑐣𑐵 𑐔𑑂𑐰𑑄𑐐𑐸 𑐨𑑂𑐰𑑃𑐟𑐫𑑂 𑐔𑑂𑐰𑐫𑐵 𑐟𑐮 𑑋

𑐠𑐖𑐵:𑐐𑐸 𑐧𑐵𑑄𑐮𑐵:𑐐𑐸 𑐰 𑐖𑑂𑐫𑐵𑐏𑑂𑐫𑐮𑐫𑑂 𑐡𑐸𑐐𑐸 𑐡𑐾𑐕𑐵 𑐳𑐸𑐣𑐵𑑄 𑐧𑑂𑐫𑐹𑐐𑐸 𑐢𑐿𑐐𑐸 𑐳𑐶𑐫𑐵: 𑐩𑐶𑐣𑐷𑐫𑐵 𑐩𑐶𑐏𑐵𑐫𑑂 𑐏𑑂𑐰𑐧𑐶 𑐮:𑐮: 𑐢𑐵𑐮 𑑋 𑐁: 𑐠:𑐟 𑐫:𑐐𑐸 𑐣𑑂𑐴𑑂𑐫𑐧𑑂𑐰:𑐳𑐵𑐟 𑐴𑐵𑐎𑐣𑑄 𑐐𑐧𑐮𑐾𑑄 𑐣𑐵𑐥𑐮𑐵𑐂 𑐩𑐏𑐸 𑐢𑐎𑐵: 𑐩𑐶𑐣𑐷 𑐏𑑂𑐰𑐮 𑑋

𑐄𑐐𑐸 𑐴𑐾 𑐂𑐮𑐫𑑂 𑐮𑐸𑐏𑐵𑑄 𑐣𑑂𑐴𑐵𑐔: 𑐡𑐾𑐕𑐵 𑐴:𑐩𑑂𑐴 𑐩𑐣𑐹 𑐴𑐵𑐎𑐣𑑄 𑐡𑐸𑐴𑐵𑑄 𑐰𑐮 𑐰 𑐢𑐵𑐮, “𑐧𑐸𑐡𑐶𑑄𑐫𑐵 𑐨𑐶𑑄𑐟𑐸𑐣𑐵 ! 𑐖𑐶𑐟: 𑐣𑑂𑐴𑑂𑐫𑐧𑑂𑐰:𑐳𑐵 𑐥𑐳𑐮𑑂𑐫𑐵𑑄 𑐕𑑂𑐰𑐫𑐵 𑐴:𑐐𑐸 𑑋 𑐠𑑂𑐰 𑐡𑐾𑐕𑐵 𑐎𑐫𑐵𑐡𑐶𑐳𑑃 𑑋

 

 

𑐩𑐶𑐣𑐷𑐫𑐵 𑐩𑐵𑐩𑐧𑐸𑐧𑐵 𑐣𑐶𑐩𑑂𑐴𑐳𑑂𑐫𑐵𑑄 𑐩𑐣 𑐔𑑄 𑐔𑑄 𑐢𑐵𑐫𑐾𑐎𑐵: 𑐡𑐾𑐕𑐵𑐫𑐵 𑐧𑐚𑑂𑐚𑐵 𑐔𑐵𑐫𑐾𑐎𑐵 𑐡𑐶𑐮 𑑋 𑐩𑐶𑐣𑐷 𑐮𑐸𑐏𑐵𑐫𑑂 𑐡𑐣𑐵: 𑐳𑑂𑐰𑐫𑐵𑐔𑑂𑐰𑐣 𑑋 𑐧𑐚𑑂𑐚𑐵 𑐡𑐸𑐣𑐾 𑐩𑐶𑐣𑐷𑐫𑐵 𑐠:𑐐𑐸 𑐡𑐎𑑂𑐰 𑐣𑑂𑐴𑑂𑐫𑐧𑑂𑐰:𑐳𑐵𑐟 𑐀𑐖: 𑐄𑐮𑐵𑐟:𑐩𑑂𑐴 𑐎𑐟𑐵𑑄𑐩𑐬𑐶, 𑐐𑑂𑐰𑐵𑐬𑐵𑐩𑐵𑐬𑐵𑐩𑑂𑐴 𑐨𑐵𑐮𑐸, 𑐣𑑂𑐴𑐶𑐥𑑄 𑐟𑐵𑐴𑐵: 𑐩𑐵𑐎:, 𑐰𑐵𑐄𑑃𑐨𑐟𑑂𑐟𑐸 𑐰 𑐣𑑂𑐴𑐵𑐫𑑂‌𑐥‌𑐟𑐵𑐴𑐵: 𑐏𑐬𑐵𑐔𑐵 𑐕𑐟𑐵𑐕𑐟𑐵 𑐫𑐵𑐣𑐵: 𑐥𑐶𑐴𑐵𑑃 𑐰𑐮 𑑋

𑐩𑐶𑐣𑐷 𑐄𑐥𑐶𑑄 𑐡𑐎𑑂𑐰𑑄 𑐣𑑂𑐴𑑂𑐫𑐧𑑂𑐰:𑐳𑐵𑐟𑐫𑑂‌𑐟 𑐮𑐳𑐟𑐵𑑄 𑐑𑐫𑐾𑐥𑐸𑐣𑐵 𑐎𑐵𑐮 𑑋

Brought to you by
Let’s Read! is an initiative of The Asia Foundation’s Books for Asia
program that fosters young readers in Asia. booksforasia.org
To read more books like this and get further information about
this book, visit letsreadasia.org
Original Story
तीन पाङ् Āे साइकल, author: ȱवनय कसजू. Published by ȱववेक ȳसजµनशील
Ēकाशन Ēा.ȳल., © ȱववेक ȳसजµनशील Ēकाशन Ēा.ȳल.. Released under CC BY
4.0.
This work is a modified version of the original story. © The Asia
Foundation, 2019. Some rights reserved. Released under CC BY
4.0.
For full terms of use and attribution,
http://creativecommons.org/licenses/by/4.0/
Contributing translators: Anil Sthapit