𑐳𑑂𑐰𑐣𑑂𑐴𑐸𑐫𑑄𑐎𑑄𑐫𑐵 𑐎𑐟𑑂𑐠𑐎 𑐣𑐺𑐟𑑂𑐫 𑐎𑐵𑐬𑑂𑐫𑐱𑐵𑐮𑐵

𑐣𑐾𑐥𑐵𑑅 𑐜𑐵𑐣𑑂𑐳 𑐊𑐎𑐾𑐡𑐾𑐩𑐶𑐫𑐵 𑐐𑑂𑐰𑐳𑐵𑐮𑐫𑑂 𑐳𑑂𑐰𑐣𑑂𑐴𑐸𑐫𑑄𑐎𑑄𑐫𑐵 𑐎𑐟𑑂𑐠𑐎 𑐣𑐺𑐟𑑂𑐫 𑐎𑐵𑐬𑑂𑐫𑐱𑐵𑐮𑐵 𑐖𑐸𑐮 𑑋 𑐊𑐎𑐾𑐡𑐾𑐩𑐶𑐥𑐵𑐏𑐾𑑄 𑐴𑐸𑐮𑐵𑐥𑑂𑐫𑐵𑐏𑑄𑐫𑐵 𑐠𑐷𑐠𑐷 𑐰𑐶𑐢𑐵𑐫𑑂 𑐎𑐵𑐬𑑂𑐫𑐱𑐵𑐮𑐵 𑐫𑐵𑐫𑐾𑐐𑐸 𑐗𑑂𑐰𑐮𑐫𑑂 𑐠𑐸𑐐𑐸𑐳𑐷 𑐎𑐟𑑂𑐠𑐎 𑐥𑑂𑐫𑐵𑐏𑐣𑐫𑑂 𑐄𑐐𑐸 𑐎𑐵𑐬𑑂𑐫𑐱𑐵𑐮𑐵 𑐫𑐵𑑅𑐐𑐸 𑐏𑑅 𑑋

𑐰𑑄𑐐𑐸 𑐀𑐳𑑀𑐖 𑑑𑑐 𑐣𑐶𑐳𑐾𑑄 𑑑𑑒 𑐐𑐟𑐾𑐟𑐎 𑐖𑐹𑐐𑐸 𑐎𑐵𑐬𑑂𑐫𑐱𑐵𑐮𑐵𑐫𑑂 𑐨𑐵𑐬𑐟𑐫𑐵 𑐎𑐟𑑂𑐠𑐎 𑐐𑐸𑐬𑐸 𑐎𑐸𑐩𑐵𑐬 𑐱𑐬𑑂𑐩𑐵𑑄 𑐎𑐟𑑂𑐠𑐎𑐫𑐵 𑐥𑑂𑐬𑐱𑐶𑐎𑑂𑐲𑐞 𑐧𑐶𑐫𑐵𑐡𑐷𑐐𑐸 𑐏𑑅𑐳𑐵 𑐥𑑂𑐫𑐵𑐏𑑄𑐫𑐵 𑐠𑐷𑐠𑐷 𑐥𑐎𑑂𑐲𑐫𑐵 𑐧𑐵𑐬𑐾 𑐖𑐵𑐣𑐎𑐵𑐬𑐷 𑐣𑑄 𑐧𑐶𑐫𑐵𑐡𑐷𑐐𑐸 𑐏𑑅 𑑋

𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐄𑐥𑐥𑑂𑐬𑐩𑐸𑐏 𑐳𑐸𑐣𑐶𑐟𑐵 𑐜𑑄𑐐𑑀𑐮𑐫𑐵 𑐥𑑂𑐬𑐩𑐸𑐏 𑐁𑐟𑐶𑐠𑑂𑐫𑐟𑐵𑐫𑑂 𑐬𑐳𑐶𑐫𑐣 𑐎𑐮𑑂𑐔𑐬 𑐳𑐾𑐣𑑂𑐚𑐬𑐫𑑂 𑐖𑐹𑐐𑐸 𑐎𑐵𑐬𑑂𑐫𑐱𑐵𑐮𑐵 𑐳𑐩𑐵𑐥𑐣 𑐖𑑂𑐫𑐵𑐗𑑂𑐰𑐮𑐫𑑂 𑐊𑐎𑐾𑐡𑐾𑐩𑐶𑐫𑐵 𑐣𑐺𑐟𑑂𑐫 𑐥𑑂𑐬𑐱𑐶𑐎𑑂𑐲𑐎𑐮𑐶𑐳𑐾𑑄 𑐥𑑂𑐬𑐱𑐶𑐎𑑂𑐲𑐵𑐬𑑂𑐠𑐷𑐥𑐶𑑄𑐳𑑄 𑐠𑑅𑐠𑑅𑐐𑐸 𑐥𑑂𑐬𑐳𑑂𑐟𑐸𑐟𑐶 𑐧𑐶𑐫𑐵𑐡𑐷𑐐𑐸 𑐏𑑅 𑑋 𑐄𑐐𑐸 𑐂𑐮𑐫𑑂 𑐊𑐎𑐾𑐡𑐾𑐩𑐶𑐫𑐵 𑐣𑐶𑐳𑑅 𑐳𑑂𑐰𑐫𑐵𑑄 𑐀𑐥𑑂𑐰𑑅 𑐥𑑂𑐬𑐱𑐶𑐎𑑂𑐲𑐎 𑐰 𑐥𑑂𑐬𑐱𑐶𑐎𑑂𑐲𑐵𑐬𑑂𑐠𑐷𑐥𑐶𑑄𑐳𑑄 𑐥𑑂𑐬𑐳𑑂𑐟𑐸𑐟𑐶 𑐧𑐶𑐫𑐵𑐡𑐷𑐐𑐸 𑐏𑑅 𑑋

𑐰𑐶𑐱𑐵𑐮𑐧𑐖𑐵𑐬 𑐳𑑂𑐠𑐶𑐟 𑐳𑐵𑐳𑐵 𑐧𑑂𑐫𑐵𑑄𑐎𑑂𑐰𑐾𑐚𑐫𑑂 𑐖𑐹𑐐𑐸 𑐎𑐵𑐬𑑂𑐫𑐱𑐵𑐮𑐵𑐫𑑂 𑐩𑑀𑐬𑐒, 𑐔𑐶𑐟𑐰𑐣, 𑐧𑐸𑐚𑐰𑐮 𑐮𑐐𑐵𑐫𑐟𑐫𑐵 𑐠𑐵𑐳𑑄 𑐣𑑂𑐫𑐫𑑂𑐩𑑂𑐴 𑐳𑑂𑐰𑐫𑐵𑑄 𑐀𑐥𑑂𑐰𑑅𑐳𑐶𑐣𑑄 𑐧𑑂𑐰𑐟𑐶 𑐎𑐫𑐵𑐡𑐷𑐐𑐸 𑐏𑑅𑐳𑐵 𑐥𑑂𑐬𑐱𑐶𑐎𑑂𑐲𑐵𑐬𑑂𑐠𑐷𑐟𑐫𑑂𑐟 𑐳𑑂𑐰𑑄𑐐𑐹 𑐥𑐸𑐔𑐮𑐫𑑂 𑐧𑑂𑐰𑐠𑐮𑐵𑑅 𑐥𑑂𑐬𑐱𑐶𑐎𑑂𑐲𑐞 𑐧𑐷𑐐𑐸 𑐖𑑂𑐫𑐵 𑐖𑐹𑐐𑐸 𑐖𑑂𑐫𑐵𑐗𑑂𑐰𑑅𑐫𑐵 𑐳𑑄𑐫𑑀𑐖𑐎𑐮𑐶𑐳𑐾𑑄 𑐊𑐎𑐾𑐡𑐾𑐩𑐶𑐫𑐵 𑐥𑑂𑐬𑐩𑐸𑐏 𑐣𑐵𑐥𑑄 𑐣𑐺𑐟𑑂𑐫 𑐥𑑂𑐬𑐱𑐶𑐎𑑂𑐲𑐎 𑐬𑐶𑐣𑐵 𑐩𑐴𑐬𑑂𑐖𑐣𑑄 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐷𑐐𑐸 𑐡𑐸 𑑋

𑐳𑐩𑐵𑐥𑐣 𑐖𑑂𑐫𑐵𑐗𑑂𑐰𑐮𑐫𑑂 𑐥𑑂𑐬𑐱𑐶𑐎𑑂𑐲𑐵𑐬𑑂𑐠𑐷𑐥𑐶𑑄𑐳𑑄 𑐢𑐶𑐩𑐾𑐫𑐵 𑐟𑐵𑐮𑐫𑑂 𑐎𑐟𑑂𑐠𑐎 𑐣𑐺𑐟𑑂𑐫𑐫𑐵 𑐥𑑂𑐬𑐳𑑂𑐟𑐸𑐟𑐶 𑐧𑐶𑐄𑐐𑐸 𑐏𑑅 𑑋